तथागत ग्रुप महाराष्ट्र राज्य संघटनेची बैठक संभाजी नगर मध्ये अनेक राजकीय,सामाजिक कार्यकर्ते व दिग्गजांचा होणार संघटनेमध्ये प्रवेश.
छ.संभाजीनगर प्रतिनिधि -
दिनांक 09 सप्टेंबर 2023 - तथागत ग्रुप महाराष्ट्र राज्य संघटनेचे मार्गदर्शक संस्थापक मा.संदिप भाऊ गवई यांच्या सुचनेनुसार आणि राष्ट्रीय अध्यक्ष मा.अविनाश कांबळे तसेच महाराष्ट्र प्रदेशाध्यक्ष मा.अंकुशभाऊ राठोड यांच्या मार्गदर्शनाखाली छ.संभाजीनगर येथे दिनांक 09 सप्टेंबर 2023 रोजी गाव तिथे शाखा,दलित, पीडित,वंचित, शोषित, मुस्लिम,आदिवासी घटकांचा आवाज व सर्वसामान्य जनतेच्या समस्या, अडचणी जाणून घेण्यासाठी आणि त्या समस्यांचे संविधानिक मार्गाने रीतसर निवारण व्हावे त्यासाठी शासन दरबारी पाठवुन पाठपुरावा करण्यात येणार आहे तसेच आगामी ग्रामपंचायत नगरपरिषद, नगर पंचायत, विधानसभा, विधान परिषद, लोकसभा निवडणूकीसाठी संभाव्य उमेदवारांची निवड यादी तयार करण्याबाबत सविस्तर चर्चा करण्यात येणार आहे. याच बरोबर देशातील महिलांवरील होणारे अन्याय – अत्याचार, शेतकऱ्यांच्या आत्महत्या आणि कारणीभूत घटक, वाढती बेरोजगारी , व जमीनीचे पट्टे, जिल्ह्यातील शैक्षणिक तसेच आरोग्य विषयक समस्या, परिवहन, शहरातील आणि दुर्गम भागातील विविध प्रकारच्या समस्या,पेंशन, शासनाने निर्गमित केलेले चुकीचे धोरण, व्यवसाय आणि बॅकेचे धोरण याबरोबरच विविध प्रकारच्या विषयांवर सविस्तर चर्चा करण्यासाठी दिनांक 09 सप्टेंबर 2023 रोजी सकाळी 10:30 वाजता छ.संभाजीनगर येथील सुभेदारी विश्राम भवन येथे बैठक आयोजित करण्यात आलेली आहे. तरी तथागत ग्रुप महाराष्ट्र राज्य संघटनेच्या सर्व सभासद,पदाधिकारी आणि कामगार, कंत्राटी कर्मचारी, युवक – युवतींनी आपल्या समस्यांचे लेखी निवेदन घेऊन उपस्थित राहावे असे आवाहन तथागत ग्रुप महाराष्ट्र राज्य संघटनेचे महाराष्ट्र प्रदेश कायदेशीर सल्लागार एडवोकेट मा.देवकांत भाऊ मेश्राम व मराठवाडा विभाग अध्यक्ष मा.संतोष खरात आणि संभाजीनगर जिल्हा अध्यक्ष मा.अंकुशभाऊ हिवाळे तसेच महिला आघाडी मराठवाडा विभाग अध्यक्षा ललीताताई मगरे व छ.संभाजीनगर जिल्हा अध्यक्षा संगिताताई कांबळे यांनी केले आहे.
